Decálogo para a inclusión laboral de persoas con discapacidade
A TÚA NECESIDADE É A SÚA OPORTUNIDADE
INTEGRÁMOLAS?
1.
Identifica as túas necesidades de persoal a curto, medio, e longo prazo.
2.
Contacta con entidades especializadas en inserción laboral de persoas con discapacidade: por suposto, conta con Combina Social!
Axudarémosche:
- Cun asesoramento personalizado, antes, durante e no seguimento da inserción
- Na identificación e análise das vacantes de persoal
- Encargámonos da selección e avaliación da mellor candidatura con discapacidade para a túa empresa
- Identificamos posibles necesidades de adaptación do posto de traballo para que sexa accesible, así como as necesidades formativas e/ou de apoio que a persoa candidata poida necesitar no momento da súa incorporación.
3.
Valora as opcións dispoñibles de bonificación por contratación persoas con discapacidade e benefíciache.
4.
Informa o teu persoal das doenzas que poden dar lugar ao recoñecemento dunha discapacidade e dos beneficios fiscais aos que poden acollerse. Poden xurdir novos casos de persoas traballadoras que estean nesta situación e que necesiten asesoramento.
5.
Prepara ao teu persoal para acoller ás persoas con discapacidade que van incorporarse á túa empresa; eliminamos prexuízos a través de xornadas informativas e de sensibilización.
6.
Mide o impacto positivo da incorporación de persoas con discapacidade na túa empresa: avalía antes e despois e comproba como mellorou o clima laboral e o orgullo de pertenza do teu equipo.
7.
Como parte da túa estratexia de RSC, elabora un plan de comunicación para dar a coñecer aos teus grupos de interese as medidas que estás a implementar na túa empresa e contáxiaos para que o efecto sexa multiplicador.
8.
Estuda a posibilidade de desenvolver na túa empresa políticas que favorezan a inclusión de persoas con discapacidade que presentan maiores dificultades de inserción e máis necesidades de apoio.
Ponte en mans de entidades sociais especializadas en discapacidade e déixache asesorar.
9.
Se a túa empresa ten 50 ou máis empregados en persoal, cumpre coa lexislación vixente en materia de inclusión de persoas con discapacidade (Lei xeral de discapacidade) reservando polo menos un 2% do teu persoal para persoas con discapacidade, e se este non é o teu caso, faino tamén só por todos os beneficios que conleva para a túa empresa e as súas empregadas/vos Porqué non…?
10.
E se teño que cumprir a LGD e non podo incorporar persoas con discapacidade na miña empresa porque non teño vacantes ou non hai candidaturas dispoñibles acordes ás necesidades da miña empresa?
Asesorarémosche sobre as medidas alternativas dispoñibles e sobre os programas cos que indirectamente podes contribuír á inserción laboral de persoas con discapacidade (financiamento de programas formativos para persoas con discapacidade, programas de itinerarios de inserción laboral e/ou sensibilización, fomento do emprego protexido a través da contratación de servizos a centros especiais de emprego…).
